12 అధ్యాయాలు, 1200 శ్లోకాలు.. మోదీపై మహాకావ్యం రచించిన తిరుపతి యూనివర్సిటీ ప్రొఫెసర్

Narendra Arohanam: ప్రధానమంత్రి నరేంద్ర మోదీపై ఓ సంస్కృత పండితుడు మహాకావ్యం రచించారు. ఒడిశాకు చెందిన సోమనాథ్ దశ్ అనే సంస్కృత పండితుడు తిరుపతిలోని జాతీయ సంస్కృత విశ్వవిద్యాలయంలో అసిస్టెంట్ ప్రొఫెసర్‌గా పనిచేస్తున్నారు. ప్రధాని నరేంద్ర మోదీ జీవిత విశేషాలతో నాలుగేళ్ల పాటు శ్రమించి.. నరేంద్ర ఆరోహణం పేరుతో మహాకావ్యం రచించారు. ఈ మహాకావ్యంలో 12 అధ్యాయాలు, 1200 శ్లోకాలు ఉన్నాయి. మొత్తం 700 పేజీలలో ఈ నరేంద్ర ఆరోహణం మహాకావ్యం రచించారు. అయితే తాను ఇప్పటి వరకూ ప్రధాని మోదీని కలవలేదన్న రచయిత.. మోదీ ఎదిగిన తీరు నుంచి స్ఫూర్తిని పొంది ఈ మహాకావ్యం రాసినట్లు తెలిపారు.