13మంది ప్రభుత్వ ఉద్యోగులకు ప్రమోషన్లు రద్దు.. జిల్లా కలెక్టర్ ఉత్తర్వులు

Anantapur Senior Assistants Promotions Issue: అనంతపురం, శ్రీసత్యసాయి జిల్లాలకు సంబంధించి వీఆర్వోలకు ప్రమోషన్లు రద్దు చేశారు. ఈమేరకు కలెక్టర్ ఉత్తర్వులు జారీ చేశారు. 2022లో గ్రేడ్‌-1 వీఆర్‌వోలకు సీనియర్‌ సహాయకులుగా ప్రమోషన్లు దక్కాయి. అయితే నిబంధనల ప్రకారం రెండేళ్లలో కొన్ని పరీక్షల్లో ఉత్తీర్ణత సాధించాల్సి ఉంటుంది.. అయితే 13మంది మాత్రం ఉత్తీర్ణత సాధించలేకపోవడంతో వారికి ప్రమోషన్లు రద్దు చేశారు. 2022లో మొత్తం 34మందికి పదోన్నతులు దక్కగా.. ఇప్పుడు 13మందికి రద్దు చేశారు.