AP Rains: వాయుగుండం ఎఫెక్ట్.. రేపు ఈ జిల్లాల్లో వానలు.. బీ అలర్ట్!

బంగాళాఖాతంలో వాయుగుండం ప్రభావంతో ఏపీలోని పలు జిల్లాలలో వర్షాలు కురుస్తున్నాయి. ఇక ఈ వాయుగుండం ప్రభావంతో రేపు (బుధవారం) కూడా పలు జిల్లాలలో వర్షం పడుతుందని విపత్తుల నిర్వహణ సంస్థ వెల్లడించింది. ప్రధానంగా రాయలసీమ జిల్లాలలో తేలికపాటి నుంచి మోస్తరు వర్షం కురుస్తుందని తెలిపింది. రేపటి కల్లా వాయుగుండం తుపానుగా మారుతుందన్న విపత్తుల నిర్వహణ సంస్థ.. గురువారం రాత్రి లేదా శుక్రవారం ఉదయం తీరం దాటే అవకాశం ఉందని అంచనా వేసింది. తుపాను తీరం దాటే సమయంలో ఉత్తరాంధ్ర జిల్లాలలో భారీ నుంచి అతి భారీ వర్షాలు కురుస్తాయని అంచనా వేసింది.