HYD: బాలుడి ప్రాణం తీసిన బడి గేటు.. విరిగిపడటంతో ఒకటో తరగతి విద్యార్థి మృతి

హైదరాబాద్ నగర శివారు హయత్ నగర్ ప్రభుత్వ పాఠశాలలో ఓ విద్యార్థి ప్రమాదవశాత్తు ప్రాణాలు కోల్పోయాడు. స్కూల్ ముగిసిన తర్వాత మెయిన్ గేటు ఎక్కి ఊగుతుండగా.. తుప్పుపట్టిన గేట్ ఒక్కసారిగా విరిగిపోయి మీదపడంది. ఈ ఘటనలో ఒకటో తరగతి చదివుతున్న అజయ్ అనే ఆరేళ్ల చిన్నారి ప్రాణాలు కోల్పోగా.. మరో విద్యార్థిని గాయపడింది. స్కూల్ నుంచి ఇంటికి రావాల్సిన కుమారుడు.. తిరిగిరాని లోకాలకు వెళ్లడంతో చిన్నారి తల్లిదండ్రులు కన్నీరుమున్నీరుగా విలపించారు.