Rammohan Naidu: ఏపీలో మరో కొత్త ఎయిర్‌పోర్టు.. ఆ జిల్లాలోనే, వెల్లడించిన రామ్మోహన్ నాయుడు

Rammohan Naidu: ఆంధ్రప్రదేశ్‌లో మరో ఎయిర్‌పోర్టు రానుంది. తాజాగా కేంద్ర పౌర విమానయాన శాఖ మంత్రి కింజరపు రామ్మోహన్ నాయుడు ఈ విషయాన్ని వెల్లడించారు. ఇటీవల వివిధ జిల్లాల్లో ముఖ్యమంత్రి నారా చంద్రబాబు నాయుడు పర్యటించగా.. ఆ పర్యటన వివరాలను కేంద్రమంత్రి తెలిపారు. ఈ క్రమంలోనే శ్రీకాకుళం జిల్లాలో విమానాశ్రయం ఏర్పాటు చేసేందుకు చర్యలు తీసుకుంటున్నట్లు రామ్మోహన్ నాయుడు వివరించారు. ఉత్తరాంధ్రలో పెండింగ్‌లో ఉన్న ప్రాజెక్టులను పూర్తి చేస్తామని సీఎం చెప్పినట్లు కేంద్రమంత్రి స్పష్టం చేశారు.