Tirupati: రోడ్డుపై చిరుత ప్రత్యక్షం.. బైక్ అదుపు తప్పి టీటీడీ ఉద్యోగికి తీవ్ర గాయాలు

TTD Employee Falls from Bike After Seeing Leopard in Tirupati: తిరుపతిలో చిరుత సంచారం కలకలం రేపింది. అలిపిరి సమీపంలో రోడ్డు దాటుతూ చిరుత కనిపించడంతో రోడ్డు ప్రమాదం జరిగింది. చిరుత పులిని చూసిన భయంతో వేగంగా వెళ్లబోయిన టీటీడీ ఉద్యోగి విజయ్ కుమార్ బైక్ అదుపుతప్పి గాయపడ్డాడు. బైక్ అదుపుతప్పి డివైడర్‌ను ఢీకొట్టడంటో ఆయన తలకు తీవ్రగాయాలయ్యాయి. రోడ్డుపై వెళ్తున్న స్థానికులు గమనించి ఆస్పత్రికి తరలించారు. మరోవైపు అలిపిరి సమీపంలో చిరుత సంచారం వార్తల నేపథ్యంలో టీటీడీ శ్రీవారి భక్తులను అప్రమత్తం చేసింది.