TTD: తిరుమల శ్రీవారి గరుడ సేవకు వెళ్తున్నారా.. టీటీడీ కీలక సూచనలు

తిరుమల శ్రీవారి బ్రహ్మోత్సవాలు అత్యంత వైభవంగా జరుగుతున్నాయి. ఇక అందరూ ఎదురుచూస్తున్న గరుడ సేవకు రంగం సిద్ధమైంది. అక్టోబర్ 8న శ్రీవారి గరుడ సేవ జరగనుంది. గరుడ సేవ సందర్భంగా సుమారుగా మూడున్నర లక్షల మంది భక్తులు తిరుమల కొండకు వస్తారని టీటీడీ అంచనా వేస్తోంది. భక్తుల రద్దీకి అనుగుణంగా చర్యలు తీసుకుంటోంది. మరోవైపు గరుడ సేవ కోసం తిరుమలకు వచ్చే శ్రీవారి భక్తులకు తిరుమల తిరుపతి దేవస్థానం ఈవో శ్యామలరావు పలు సూచనలు చేశారు. ఇబ్బందులు కలగకుండా అన్ని ఏర్పాట్లు చేసినట్లు వివరించారు.