Vijay-Rashmika Wedding Card Viral | ముహూర్తం ఫిక్స్.. విజయ్ - రష్మిక పెళ్లి పత్రిక ఇదే!

టాలీవుడ్ సెన్సేషనల్ జంట విజయ్ దేవరకొండ, రష్మిక మందన్నల పెళ్లి ముహూర్తం ఖరారైంది. సోషల్ మీడియాలో వైరల్ అవుతున్న వెడ్డింగ్ ఇన్విటేషన్ ప్రకారం, వీరు ఫిబ్రవరి 26, 2026న వివాహ బంధంలోకి అడుగుపెట్టనున్నారు. రాజస్థాన్‌లోని ఉదయ్‌పూర్ వేదికగా అత్యంత సన్నిహితుల మధ్య ఈ వేడుక జరగనుంది. అనంతరం, మార్చి 4న హైదరాబాద్‌లోని తాజ్ కృష్ణ హోటల్‌లో సినీ, రాజకీయ ప్రముఖుల కోసం భారీ రిసెప్షన్‌ను ఏర్పాటు చేశారు. ఇప్పటికే విజయ్ స్వయంగా ముఖ్యమంత్రి రేవంత్ రెడ్డిని కలిసి తన పెళ్లికి ఆహ్వానించిన ఫోటోలు బయటకు రావడంతో ఈ పెళ్లి వార్త అధికారికంగా ధృవీకరించబడినట్లయింది. గీత గోవిందం, డియర్ కామ్రేడ్ చిత్రాల్లో అలరించిన ఈ జంట నిజ జీవితంలోనూ ఒకటి కాబోతుండటంతో అభిమానులు సంబరాలు చేసుకుంటున్నారు.