Wedding Muhurat: పెళ్లిళ్ల సీజన్ షురూ.. దసరా నుంచి డిసెంబర్ వరకు ముహూర్తాలే.. ఏఏ తేదీల్లో ఎక్కువంటే..?

Marriage muhurtham: తెలుగు రాష్ట్రాల్లో పెళ్లి సందడి మళ్లీ మొదలుకానుంది. రేపు (అక్టోబర్ 12వ) దసరా పండుగ సందర్భంగా మొదలవుతున్న మంచి ముహూర్తాలు డిసెంబర్ చివరి వరకు వరుస పెట్టి ఉన్నాయి. దీంతో.. ఈ మూడు నెలలు పెళ్లిళ్లే పెళ్లిళ్లు ఉండనున్నాయి. ఈ మూడు నెలల్లో కలిపి.. మొత్తంగా 25 రోజుల పాటు మంచి ముహూర్తాలు ఉన్నాయని పండితులు చెప్తున్నారు. దీంతో.. బట్టలు, బంగారం దుకాణాలతో పాటు ఫంక్షన్ హాల్స్, కేటరింగ్, స్టిల్ దుకాణాలు, కిరాణా షాపులు ఇలా మార్కెట్‌ అంతా సంగడిగా మారనుంది.