అత్తాకోడలిపై అత్యాచారం కేసులో షాకింగ్ విషయాలు.. నిందితుల్లో ఒకడిపై 30కి పైగా కేసులు

సత్యసాయి జిల్లాలో అత్తాకోడళ్ల అత్యాచారం కేసులో షాకింగ్ విషయాలు వెలుగులోకి వస్తున్నాయి. ఈ ఘటనలో ఐదుగురు నిందితులను ఇప్పటికే పోలీసులు అదుపులోకి తీసుకున్నారు. 48 గంటల్లోనే నిందితులను అదుపులోకి తీసుకున్నారు. ఇక నిందితుల్లో ముగ్గురు మైనర్లు ఉన్నట్లు ఏపీ హోం మంత్రి వంగలపూడి అనిత తెలిపారు. అలాగే ఓ నిందితుడిపై 32 కేసులు ఉన్నాయని.. అందులో ఎక్కువగా దొంగతనం కేసులు ఉన్నట్లు చెప్పారు. వేగంగా శిక్షపడేలా చూసేందుకు ఈ కేసును.. ప్రత్యేక న్యాయస్థానానికి అప్పగించాలని నిర్ణయించినట్లు చెప్పారు.