అమరావతిలో ఆ రోడ్డుకు మహర్దశ.. రూ.8.50 కోట్లతో, రాజధానికి త్వరగా వెళ్లొచ్చు

Pedaparimi To Thullur Road Rs 8.50 Crores: గుంటూరు నుంచి అమరావతికి వెళ్లే తాడికొండ రోడ్డు ఇకపై కొత్త రూపు సంతరించుకోనుంది. పెదపరిమి-తుళ్లూరు రోడ్డును 7 మీటర్ల వెడల్పుతో 6.4 కిలోమీటర్ల మేర విస్తరించనున్నారు. భారీ వాహనాల రాకపోకలకు ఇబ్బంది లేకుండా సైడ్‌ బెర్మ్‌లు కూడా పెంచుతారు. రూ.8.50 కోట్లతో ఈ పనులు ఏడాదిలోగా పూర్తవుతాయి. ఈ రోడ్డు కనుక పూర్తి చేసి అందుబాటులోకి వస్తే ప్రయాణికులకు ఎంతో సౌకర్యంగా ఉంటుంది.