ఆ 40 కులాలను ఓబీసీల్లో చేర్చండి.. జనగణన లోపే, కేంద్రానికి తెలంగాణ బీసీ కమిషన్ విజ్ఞప్తి

దేశంలో జనగణన కంటే ముందు కేంద్రానికి తెలంగాణ కీలక విజ్ఞప్తి చేసింది. తెలంగాణలో ఉన్న మరో 40 బీసీ కులాలను కూడా ఓబీసీ కేటగిరీలో చేర్చాలని తెలంగాణ బీసీ కమిషన్.. కేంద్రాన్ని కోరింది. త్వరలో చేపట్టనున్న జనగణన కంటే ముందే ఈ ప్రక్రియను చేపట్టి పూర్తి చేయాలని కోరింది. తెలంగాణలో 130 బీసీ కులాలు ఉండగా.. కేంద్రం వద్ద మాత్రం 90 కులాలు మాత్రమే ఓబీసీల్లో ఉన్నాయి. దీంతో మిగిలిన 40 కులాలను కూడా అందులోనే చేర్చాలని తెలంగాణ కోరుతోంది.