ఆ అమ్మాయికి సెకండ్ హ్యాండ్ కారు గిఫ్ట్‌గా ఇస్తే ఏడ్చి సస్తున్నరు: ఎంపీ ధర్మపురి అర్వింద్

జగిత్యాల బీజేపీ నేత బోగా శ్రావణికి నిజామాబాద్‌ ఎంపీ ధర్మపురి అర్వింద్‌ తన తండ్రి ఉపయోగించిన సెకండ్‌ హ్యాండ్‌ కారును బహుమతిగా ఇవ్వడం రాజకీయ దుమారం రేపింది. పార్టీ కోసం చాలాకాలంగా పనిచేస్తున్న నాయకులను పక్కనపెట్టి శ్రావణికి ప్రత్యేక ప్రాధాన్యం ఇస్తున్నారని ఓ వర్గం ఆరోపించింది. ఈ వ్యవహారంపై రాష్ట్ర నాయకత్వానికి ఫిర్యాదు చేసేందుకు సిద్ధమవుతోంది. దీనిపై స్పందించిన అర్వింద్‌ కారు బహుమతి రాజకీయ అంశం కాదని.. సోదరి భావంతో ఆశీర్వాదంగా ఇచ్చానని స్పష్టం చేశారు. శ్రావణికి మంచి రాజకీయ భవిష్యత్తు ఉందని వ్యాఖ్యానించారు.