ఆంధ్రప్రదేశ్ సచివాలయానికి బిల్ గేట్స్‌.. సమావేశంలో పాల్గొన్న సీఎం, డిప్యూటీ సీఎం

గేట్స్‌ ఫౌండేషన్‌ ఛైర్మన్‌ బిల్‌ గేట్స్‌.. ఆంధ్రప్రదేశ్‌ పర్యటనకు వచ్చారు. బిల్ గేట్స్ ప్రయాణించిన స్పెషల్ ఫ్లైట్‌కు.. గన్నవరం ఎయిర్‌పోర్టులో పొగమంచు కారణంగా సాంకేతిక సమస్య తలెత్తింది. ల్యాండింగ్ అవడానికి ముందు రెండుసార్లు చక్కర్లు కొట్టింది. 15 నిమిషాల తర్వాత ఏటీసీ అనుమతితో సేఫ్‌గా ల్యాండ్ అయ్యింది. బిల్ గేట్స్‌ బృందానికి మంత్రులు నారా లోకేష్, అనిత, అచ్చెన్నాయుడు స్వాగతం పలికి, వెలగపూడిలోని సచివాలయానికి తీసుకొచ్చారు. ఏపీ ప్రభుత్వంతో కలిసి పనిచేసే అవకాశాలపై చర్చించేందుకు బిల్ గేట్స్‌తో సీఎం చంద్రబాబు, డిప్యూటీ సీఎం పవన్ కళ్యాణ్ సమావేశమయ్యారు.