ఇంటికే మేడారం ప్రసాదం.. కీలక నిర్ణయం తీసుకున్న టీజీఎస్ఆర్టీసీ(TGSRTC)..

మేడారం సమ్మక్క-సారలమ్మ జాతరకు వెళ్లలేని భక్తుల కోసం టీజీఎస్ ఆర్టీసీ సరికొత్త సేవను అందుబాటులోకి తెచ్చింది. కేవలం 299 రూపాయలు చెల్లించి అమ్మవార్ల ప్రసాదాన్ని నేరుగా ఇంటికే పొందే సౌకర్యాన్ని కల్పించింది. ఈ ప్రసాదం కిట్‌లో అమ్మవార్ల ఫోటో, పసుపు, కుంకుమ మరియు బంగారం (బెల్లం) ఉంటాయి. భక్తులు ఆర్టీసీ లాజిస్టిక్స్ వెబ్‌సైట్ ద్వారా లేదా సమీపంలోని కార్గో కౌంటర్లలో ఈ ప్రసాదాన్ని బుక్ చేసుకోవచ్చు. దేవాదాయ శాఖ సహకారంతో ఈ నెల 28 నుండి 31 వరకు జరిగే జాతర సమయంలో ఈ పంపిణీ జరుగుతుంది.