ఈ గ్రామాల్లో సర్పంచ్‌గా ఎవరూ పోటీ చేయట్లేదు.. ఒక్క నామినేషన్ కూడా వేయలేదు.. కారణం ఇదే!

తెలంగాణ గ్రామ పంచాయతీ ఎన్నికల్లో సర్పంచ్ పదవికి లక్షలు, కోట్లు వెచ్చించి పోటీ పడుతున్నారని ఓవైపు వార్తలు వస్తుంటే.. మరోవైపు కొన్ని గ్రామాల్లో మాత్రం విచిత్ర పరిస్థితులు నెలకొన్నాయి. మంచిర్యాల జిల్లా దండేపల్లి మండలంలోని మూడు గ్రామాల్లో ఒక్క నామినేషన్ కూడా దాఖలు కాలేదు. రిజర్వేషన్లు మార్చాలని డిమాండ్ చేస్తూ రెండు గ్రామాల ప్రజలు ఎన్నికలను బహిష్కరించారు. వేరే పంచాయతీలో తమ గ్రామాన్ని విలీనం చేయాలని.. ఓ గ్రామం ప్రజలు ఎన్నికలను బాయ్‌కాట్ చేశారు.