ఈ పూరీలు చాలా రేటు గురూ.. ప్లేట్ రూ.2 వేలు.. ప్రత్యేకత ఇదే..

పూరీ ప్లేట్ రూ.2000. వినగానే మతిపోతోందా.. గ్యాస్ సిలిండర్ రేట్లు ఎంత పెరిగితే మాత్రం టిఫిన్ రేట్లు ఇంతలా పెంచేశారా అని మధనపడిపోతున్నారా.. డోంట్ వర్రీ. ఇవి సాధారణ పూరీలు కాదు.. అందుకే అంత రేటు. ఈ పూరీల ప్రత్యేకత ఏమిటని అనుకుంటున్నారా.. ఎమ్మెల్యే గారు స్వయంగా తన చేతులతో చేసిన పూరీలు ఇవి. అందుకే ఎమ్మెల్యే అభిమాని, బీజేపీ కార్యకర్త ఇష్టపడి, మనసుపడి అంత రేటు పెట్టి వీటిని కొనుక్కున్నారు. ఆదోని ఎమ్మెల్యే పార్థసారథి వాల్మీకీనగర్ వార్డు పర్యటనలో ఈ ఆసక్తికర ఘటన జరిగింది.