ఉసురు తీసిన రాకాసి అల, విశాఖ బీచ్‌లో విహారయాత్రలో ఘోరం.. ఇంకా దొరకని రెండు మృతదేహాలు

విశాఖపట్నం తీరంలో విషాదం చోటుచేసుకుంది. సెలవు రోజు కావడంతో రుషికొండ ఐటీ హిల్స్ సమీపంలోని బీచ్‌కు వెళ్లిన ముగ్గురు విద్యార్థులు ప్రాణాలు కోల్పోయారు. ఎగసిపడ్డ అలల ఉధృతికి ఈత కొడుతున్న సూర్యప్రకాశ్, నితీశ్, ప్రశాంత్ అనే ముగ్గురు విద్యార్థులు నీటిలో కొట్టుకుపోయారు. గల్లైంతన పిల్లల కోసం అధికారులు గాలింపు చేపట్టారు. ప్రశాంత్ అనే విద్యార్థి మృతదేహం లభ్యమైంది. ఇంకా ఇద్దరి మృతదేహాల కోసం గాలింపు కొనసాగుతుంది. ఈ విషయం తెలుసుకున్న విద్యార్థుల తల్లిదండ్రులు, కుటుంబ సభ్యులు బీచ్ వద్దకు చేరుకుని కన్నీరుమున్నీరుగా విలపించారు.