ఎట్టకేలకు లైన్ క్లియ‌ర్.. వారి ఉద్యోగాలు పర్మినెంట్..

తెలంగాణలో జూనియర్ అసిస్టెంట్లకు గుడ్ న్యూస్ చెప్పింది తెలంగాణ ప్రభుత్వం. వీరి నియామకం జరిగి రెండేళ్లు పూర్తయిన నేపథ్యంలో.. సీసీఎల్ఏ (CCLA) ఉన్నతాధికారులు జిల్లాల కలెక్టర్లకు స్పష్టమైన ఆదేశాలు జారీ చేశారు. బదిలీ ద్వారా నియమించబడిన ఉద్యోగులకు ఒక సంవత్సరం మాత్రమే ప్రొబేషనరీ పీరియడ్ ఉంటుందని సీసీఎల్ఏ నిర్ధారించింది. తెలంగాణ ఉద్యోగుల జేఏసీ చైర్మన్ లచ్చిరెడ్డి నేతృత్వంలో చేసిన వినతులపై సీసీఎల్ఏ సానుకూలంగా స్పందించింది. ఈ నిర్ణయం ఉద్యోగుల ప్రమోషన్లు, ఇతర ప్రయోజనాలకు మార్గం సుగమం చేసింది.