ఏపీ ప్రజలకు సరికొత్త థ్రిల్.. విజయవాడ నుంచి శ్రీశైలంకు 'సీ ప్లేన్', రయ్ అంటూ జాలీ ట్రిప్

Vijayawada Srisailam Seaplane Trail Run: విజయవాడ వేదికగా పర్యాటక రంగంలో మరో అద్భుతం ఆవిష్కరణకు సిద్ధమవుతోంది. ఈ నెల 9న విజయవాడ పున్నమిఘాట్‌ నుంచి శ్రీశైలం మధ్య ‘సీ ప్లేన్‌ ’ప్రయోగానికి శ్రీకారం చుట్టబోతున్నారు. శ్రీశైలంలోని పాతాళగంగ బోటింగ్‌ పాయింట్‌ వద్ద ఉన్న పాత జెట్టీ వద్ద సీ ప్లేన్‌ దిగేందుకు ఏర్పాట్లు చేస్తున్నారు. ఈ ట్రయల్ రన్ విజయవంతం అయితే సర్వీసుల్ని ప్రారంభిస్తారు. ముఖ్యమంత్రి చంద్రబాబు ఈ ట్రయల్ రన్‌ను ప్రారంభించనున్నారు.