ఏపీ మద్యం షాపులు.. వాళ్ల వివరాలు తెప్పించుకున్న చంద్రబాబు, వదిలేది లేదని సీరియస్ వార్నింగ్

Chandrababu Serious On Wine Shop Holders Threat: ఏపీలో మద్యం షాపుల్ని లాటరీలో దక్కించుకున్నవారికి బెదిరింపులు మొదలయ్యాయి. వ్యాపారంలో కచ్చితంగా వాటా కావాలని లేదంటే వ్యాపారం ఎలా చేస్తారో చూస్తామంటూ హెచ్చరిస్తున్నారు. ఈ విషయాన్ని అధికారులు వెంటనే ఈ విషయాన్ని సీఎం చంద్రబాబు దృష్టికి తీసుకెళ్లగా.. తీవ్ర ఆగ్రహం వ్యక్తం చేశారు. లైసెన్సులు దక్కించుకున్నవారిని ఇబ్బంది పెడితే ఎవరినీ ఉపేక్షించవద్దని హెచ్చరించారు. మద్యం షాపుల్లో వాటాల కోసం బెదిరించారనే వార్తలను రాష్ట్ర ప్రభుత్వం సీరియస్‌గా తీసుకుంది. ఏ ఏ ప్రాంతాల్లో ఎవరు ఈ తరహా బెదిరింపులకు పాల్పడ్డారనే విషయంలో సీఎం చంద్రబాబు సమాచారం తెప్పించుకుంటున్నట్టు తెలుస్తోంది. మద్యం షాపులు పొందిన వారికి ఇబ్బందులు సృష్టిస్తే సహించేది లేదని చంద్రబాబు హెచ్చరించారు.