ఏపీ రైతులు ఒక్కొక్కరి అకౌంట్‌లో రూ.20వేలు.. అన్నదాత సుఖీభవ పథకంపై మరో కీలక ప్రకటన

Annadata Sukhibhava: ఏపీ ప్రభుత్వం ప్రతిష్టాత్మకంగా తీసుకున్న మరో పథకం అన్నదాత సుఖీభవ.. ఈ పథకానికి సంబంధించి ప్రభుత్వం ఇటీవల బడ్జెట్‌‌లో నిధులు కేటాయించింది. అయితే తాజాగా ఈ పథకంపై వ్యవసాయశాఖ మంత్రి అచ్చెన్నాయుడు కీలక ప్రకటన చేశారు. శాసనమండలిలో సభ్యుల ప్రశ్నలకు మంత్రి సమాధానం ఇచ్చారు. ఈ పథకానికి బడ్జెట్‌లో నిధులు కేటయించామని.. అన్నదాత సుఖీభవను అమలు చేయడం ఖాయమన్నారు. ఈ మేరకు విధి విధానాలను సిద్ధం చేస్తున్నామని.. రైతులకు రూ.20వేల చొప్పున అకౌంట్‌లకు జమ చేస్తామని ప్రకటించారు.