ఏపీ స్థానిక ఎన్నికలు: ఎలక్షన్ వ్యయ పరిమితి ఖరారు, గైడ్‌లైన్స్ జారీ చేసిన ఎస్‌ఈసీ

ఏపీ స్థానిక ఎన్నికలకు సంబంధించి బిగ్ అప్‌డేట్ వచ్చింది. రాష్ట్ర ఎన్నికల సంఘం గైడ్‌లైన్స్‌ని రిలీజ్ చేసింది. ఎన్నికల్లో పోటీ చేసే అభ్యర్థులు ఎన్నికల ప్రచార ఖర్చుపై పరిమితిని ప్రకటించింది. ఎస్‌ఈసీ సూచించిన పరిమితికి మించి ఎవరూ ఖర్చు చేయకూడదని స్పష్టం చేసింది. అలాగే ఎన్నికల నోటీఫికేషన్ విడుదలైన దగ్గర నుంచి కోడ్ ఆఫ్ కండక్ట్ అమల్లోకి వస్తుంది. ఓటర్ల ప్రలోభ పెట్టే చర్యలు పాల్పడితే కఠిన చర్యలు తప్పవని తెలియజేసింది. డబ్బు, మద్యం, గిఫ్ట్‌లు పంపిణీ చేయడం వంటి వాటిపై నిఘా ఉంటుందని తెలిపింది.