ఏపీకి చల్లని కబురు.. బంగాళాఖాతంలో అల్పపీడనం.. ఈ జిల్లాల్లో సెప్టెంబర్ 2 వరకు వర్షాలు

Andhra Pradesh Rains Today: బంగాళాఖాతంలో శనివారం మరో అల్పపీడనం ఏర్పడే అవకాశం ఉందని ఐఎండీ అంచనా చెబుతోంది. ఈ ప్రభావంతో వచ్చే నెల 2 వరకు ఉత్తరాంధ్ర, రాయలసీమల్లో వర్షాలు పడతాయని తెలిపింది. శని, ఆదివారాల్లో పిడుగులతో కూడిన వానలకు అవకాశం ఉందని వెల్లడించింది. అయితే ఈ ఏడాది అల్పపీడనాలు, వాయుగుండాలు ఏర్పడినా సరే.. రాష్ట్రంలో ఇప్పటి వరకు ఆశించిన స్థాయిలో వర్షాలు కురవలేదు.. లోటు వర్షపాతం నమోదైంది.