ఏపీకి మరో కీలక ప్రాజెక్టు.. కుదిరిన ఒప్పందం.. దేశంలోనే తొలిసారిగా మన దగ్గరే!

Semiconductor Manufacturing unit With 14000 crore investment at Orvakallu: ఆంధ్రప్రదేశ్‌కు మరో భారీ పరిశ్రమ రానుంది. దేశంలోనే తొలి ప్రైవేట్ సెమీ కండక్టర్ తయారీ పరిశ్రమ ఏపీలో ఏర్పాటు కానుంది. ఈ మేరకు ఇండీచిప్ సెమీ కండక్టర్స్ లిమిటెడ్, యిటోవా మైక్రో టెక్నాలజీ లిమిటెడ్ సంస్థలు ఏపీ ప్రభుత్వంతో అవగాహన ఒప్పందం కుదుర్చుకున్నాయి. మంత్రి నారా లోకేష్ సమక్షంలో ఈ ఒప్పందం జరిగింది. ఈ ఒప్పందం ప్రకారం కర్నూలు జిల్లా ఓర్వకల్లు ఇండస్ట్రియల్ పార్కులో రూ.14000 కోట్లతో సెమీ కండక్టర్స్ తయారీ ప్లాంట్ ఏర్పాటు చేయనున్నారు. ఈ విషయాన్ని మంత్రి నారా లోకేష్ ఎక్స్ వేదికగా వెల్లడించారు.