ఏపీకి మరోసారి పొంచి ఉన్న ముప్పు.. రెండు అల్పపీడనాలు, వాతావరణశాఖ అలర్ట్

AP Weather Today: ఆంధ్రప్రదేశ్‌లో వర్షాలు కొనసాగే అవకాశం ఉంది. శ్రీకాకుళం, విజయనగరం, పార్వతీపురం మన్యం, అల్లూరి సీతారామరాజు జిల్లాల్లో తేలికపాటి నుంచి మోస్తరు వర్షాలు కురుస్తాయని వాతావరణ శాఖ తెలిపింది. సెప్టెంబర్ 3న ఉత్తర బంగాళాఖాతంలో అల్పపీడనం ఏర్పడే అవకాశం ఉంది. కృష్ణా, గోదావరి నదుల్లో వరదలు వస్తున్నందున ప్రజలు అప్రమత్తంగా ఉండాలని విపత్తుల నిర్వహణ సంస్థ హెచ్చరించింది. అయితే వినాయక నిమజ్జనంలో తగిన జాగ్రత్తలు తీసుకోవాలని సూచించింది.