ఏపీలో ఉప ఎన్నికకు షెడ్యూల్ విడుదల.. డిసెంబర్ 5న పోలింగ్

ఏపీలో టీచర్ ఎమ్మెల్సీ ఉప ఎన్నికకు రంగం సిద్ధమైంది. తూర్పు- పశ్చిమగోదావరి జిల్లాల ఉపాధ్యాయ నియోజకవర్గం ఎమ్మెల్సీ స్థానానికి ఈసీ షెడ్యూల్ విడుదల చేసింది. ఎమ్మెల్సీ షేక్ బాబ్జీ మృతితో ఉప ఎన్నిక జరుగుతోంది. షెడ్యూల్ ప్రకారం ఈ నెల 11న నోటిఫికేషన్ విడుదల కానుంది. డిసెంబర్ ఐదో తేదీన ఉప ఎన్నిక పోలింగ్ నిర్వహిస్తారు. అనంతరం డిసెంబర్ 9న ఫలితాల ప్రకటన ఉంటుందని కేంద్ర ఎన్నికల సంఘం ప్రకటన విడుదల చేసింది. రోడ్డు ప్రమాదంలో షేక్ బాబ్జీ చనిపోవటంతో ఈ ఉప ఎన్నిక అనివార్యమైంది.