ఏపీలో ప్రభుత్వానికి మరో బ్యాంక్ భారీ విరాళం.. కళ్లు చెదిరే మొత్తంలో చెక్కు

Apcob Donation: ముఖ్యమంత్రి సహాయ నిధికి మరో భారీ విరాళం అందింది. ఈ మేరకు ఆంధ్రప్రదేశ్ రాష్ట్ర సహకార బ్యాంకు రూ.1.16 కోట్లు, బ్యాంకు సిబ్బంది రూ. 8,06,597 విరాళం అందజేశారు. ఈ చెక్కులను మంత్రి అచ్చెన్నాయుడు సమక్షంలో సీఎం చంద్రబాబునాయుడికి అందజేశారు. విజయవాడ వరద బాధితులను ఆదుకోవడానికి తమిళనాడులోని వేలూరు గోల్డెన్ టెంపుల్ ట్రస్ట్ ముందుకు వచ్చింది. దుప్పటి, కండువా, చీర, పంచె తో కూడిన 5 వేల కిట్ లను బాధితులకు ఇస్తామని ట్రస్టు ప్రతినిధి ముఖ్యమంత్రి శ్రీ నారా చంద్రబాబునాయుడుకు తెలిపారు. వరద బాధితులను ఆదుకునేందుకు ముందుకొచ్చిన గోల్డెన్ టెంపుల్ ట్రస్ట్ ను సీఎం అభినందించారు.