ఏపీలో మూడు ఇండస్ట్రియల్ సిటీలు.. అక్కడే.. మారిపోనున్న రూపురేఖలు!

ఏపీ పారిశ్రామిక అభివృద్ధికి వేగంగా అడుగులు పడుతున్నాయి. కేంద్రం సహకారంతో ఏపీలో మూడు చోట్ల ఇండస్ట్రియల్ సిటీల నిర్మాణం జరుగుతోంది. ఆంధ్రప్రదేశ్‌లోని కర్నూలు జిల్లా ఓర్వకల్లు ఇండస్ట్రియల్ సిటీ, కడప జిల్లా కొప్పర్తి ఇండస్ట్రియల్ సిటీలకు తోడుగా తాజాగా తిరుపతి జిల్లా కృష్ణపట్నం ఇండస్ట్రియల్ సిటీ నిర్మాణానికి శంకుస్థాపన జరిగింది. ఇటీవల విశాఖపట్నం పర్యటనకు వచ్చిన ప్రధానమంత్రి నరేంద్ర మోదీ.. క్రిస్ సిటీ తొలి దశ నిర్మాణ పనులకు శంకుస్థాపన చేశారు. ఈ ప్రాజెక్టును 2027 నాటికి పూర్తి చేయాలనే లక్ష్యంతో ఉన్నారు.