ఏపీలో వరద సాయం డబ్బులు అకౌంట్‌లలో జమ కాలేదా.. మరో ఛాన్స్, ఇలా చేయండి

Andhra Pradesh Flood Relief Funds Release: విజయవాడ వరద బాధితులు దరఖాస్తు చేసుకుంటే ఇప్పటికైనా పరిశీలించి పరిహారం అందజేస్తామని రెవెన్యూశాఖ ప్రత్యేక ప్రధాన కార్యదర్శి ఆర్పీ సిసోడియా తెలిపారు. వరద బాధితుల వివరాలన్నీ అత్యంత పారదర్శకంగా గ్రామ, వార్డు సచివాలయాల్లో ప్రదర్శించి మరీ సాయం చేసిన విషయాన్ని గుర్తు చేశారు. బాధితుల బ్యాంకు ఖాతాల్లో పొరపాట్లు ఉండటం, సరైన వివరాలు అందించకపోవడంతో వాటిని పరిష్కరించి డబ్బుల్ని జమ చేశామన్నారు. ఇప్పటికీ సాయం కోసం అర్హులైన బాధితులు దరఖాస్తు చేసుకునే అవకాశం ఉందని చెప్పారు.కొంతమంది ఉద్దేశపూర్వకంగా చేస్తున్న దుష్ప్రచారాలను ప్రజలు నమ్మొద్దని కోరారు.