కనకదుర్గమ్మ భక్తులకు శుభవార్త.. ఇకపై అక్కడ కూడా దర్శన టికెట్లు

విజయవాడ కనకదుర్గమ్మ భక్తులకు గుడ్ న్యూస్.. దుర్గమ్మ దర్శన టికెట్ల కోసం ఇకపై ఇబ్బందులు పడాల్సిన పనిలేదు. భక్తుల సౌకర్యం కోసం విజయవాడ రైల్వేస్టేషన్ వద్ద కనకదుర్గమ్మ దేవస్థానం అధికారులు కౌంటర్ ఏర్పాటు చేశారు. ఈ కౌంటర్ ద్వారా దర్శన టికెట్లతో పాటుగా.. ఆర్జిత సేవలు బుకింగ్, కనక దుర్గమ్మ లడ్డూ ప్రసాదాలు విక్రయాలు వంటి సేవలు అందుబాటులోకి తెచ్చారు. రైల్వేస్టేషన్‌తో పాటుగా విజయవాడ బ స్టాండ్ వద్ద కూడా ఇలాంటి కౌంటర్ ఏర్పాటు చేసే ఆలోచనలో ఉన్నారు.