కాణిపాకం ఆలయ ప్రధాన అర్చకుడిపై వేటు.. అడ్డంగా దొరికిపోయిన సోమశేఖర్‌ గురుకుల్‌‌

Kanipakam Temple Priest Suspended: శ్రీవరసిద్ధి వినాయక స్వామి ఆలయ ప్రధాన అర్చకుడు ఎన్‌.సోమశేఖర్‌ గురుకుల్‌ సస్పెండ్ అయ్యారు. ఈ మేరకు ఈవో పి.గురుప్రసాద్‌ ఉత్తర్వులు జారీ చేశారు. గురుకుల్‌ అర్చకుడిగా ఉద్యోగం పొందే సమయంలో సరైన ధ్రువపత్రాలు ఇవ్వకుండా ఉద్యోగం పొందడం.. తదనంతరం పదోన్నతులు పొందడంపై రాష్ట్ర దేవాదాయశాఖ కమిషనర్‌కు అందిన ఫిర్యాదు మేరకు విచారణ జరిపారు. విచారణలో పలు ఉల్లంఘనలు గుర్తించి ఆయనను విధుల నుంచి సస్పెండ్‌ చేసినట్లు ఈవో తెలిపారు. ఆలయంలో ప్రస్తుతం ఉప ప్రధాన అర్చకుడిగా విధులు నిర్వహిస్తున్న ఎస్‌ఎస్‌.గణేశ్‌ గురుకుల్‌ను ఇన్‌ఛార్జి ప్రధాన అర్చకుడిగా నియమించారు.