కార్తీక మాసం ప్రారంభం.. నంద్యాల జిల్లా ఆళ్లగడ్డలో అద్భుతం.. అంతా ఆ శివుడి లీల!

తెలుగు రాష్ట్రాల్లోని శైవక్షేత్రాలకు భక్తులు పోటెత్తుతున్నారు. కార్తీక మాసం ప్రారంభం కావటంతో శైవ క్షేత్రాలన్నీ శివనామస్మరణతో మార్మోగుతున్నాయి. ఈ క్రమంలో నంద్యాల జిల్లా ఆళ్లగడ్డలోని శిరివెళ్లలో అద్భుతం జరిగింది. శిరివెళ్లలోని ఓంకారేశ్వరస్వామి ఆలయంలోని గర్భగుడిలోకి సూర్యకిరణాలు ప్రసరించాయి. గర్భగుడిలోకి ప్రవేశించిన సూర్య కిరణాలు.. శివయ్య విగ్రహంపై ప్రసరిస్తూ 20 నిమిషాల పాటు కనువిందు చేశాయి. ఈ అద్భుత దృశ్యాన్ని కనులారా వీక్షించేందుకు భక్తులు భారీగా తరలివచ్చారు.