కొడుకుపై బెంగ.. జానీమాస్టర్ తల్లికి గుండెపోటు

కొరియోగ్రాఫర్ జానీ మాస్టర్ తల్లి అస్వస్థతకు గురయ్యారు. గుండెపోటు రావటంతో వెంటనే ఆస్పత్రికి తరలించారు. ప్రస్తుతం బీబీజాన్ నెల్లూరులోని బొల్లినేని ఆస్పత్రిలో చికిత్స పొందుతున్నారు. ఆస్పత్రి వైద్యులు ఐసీయూలో చికిత్స అందిస్తున్నారు. మరోవైపు అత్యాచార ఆరోపణల నేపథ్యంలో జానీ మాస్టర్ జైళ్లో ఉన్న సంగతి తెలిసిందే. దీంతో కొడుకు జైళ్లో ఉన్నాడనే బెంగతోనే బీబీజాన్ అస్వస్థతకు గురైందని సన్నిహితులు చెప్తున్నారు. మరోవైపు జానీ మాస్టర్ సతీమణి ఆయేషా ఆస్పత్రి వద్ద పరిస్థితిని పర్యవేక్షిస్తున్నారు.