కొత్త వాహనాలు కొనేవారికి బ్యాడ్‌న్యూస్.. ఏకంగా 10 శాతం బాదుడు.. ఉత్తర్వులు జారీ

ఆంధ్రప్రదేశ్ ప్రభుత్వం కొత్త వాహనాల కొనుగోలుదారులకు షాక్ ఇచ్చింది. ఇకపై వ్యక్తిగత వాహనాలపై 10 శాతం రహదారి భద్రత సెస్‌ను విధించాలని నిర్ణయించింది. ఇది ఇప్పటికే ఉన్న లైఫ్ ట్యాక్స్‌కు అదనం. రాష్ట్ర మంత్రివర్గం ఆమోదించిన ఈ ఆర్డినెన్స్, వాహన కొనుగోలుదారులపై అదనపు భారం మోపనుంది. రోడ్డు భద్రతను మెరుగుపరచడానికే ఈ సెస్‌ అని ప్రభుత్వం తెలిపింది. త్వరలోనే ఇది అమల్లోకి రానుంది. దీనిపై వాహనదారులు ఆగ్రహం వ్యక్తం చేస్తున్నారు.