కొత్తగా 5 వేల అంగన్వాడీ సహాయకుల నియామకం.. మంత్రి కీలక ప్రకటన

ఏపీ ప్రభుత్వం అంగన్వాడీ కార్యకర్తలకు శుభవార్త వినిపించింది. రాష్ట్రంలోని ఐదువేల మినీ అంగన్వాడీలను పూర్తిస్థాయి అంగన్వాడీ కేంద్రాలుగా అప్‌గ్రేడ్ చేస్తున్నట్లు హోంమంత్రి వంగలపూడి అనిత తెలిపారు. మినీ అంగన్వాడీ కార్యకర్తలకు.. అంగన్వాడీ టీచర్లుగా ప్రమోషన్లు కల్పించి.. పూర్తి స్థాయి వేతనాలు అందిస్తామన్నారు. అలాగే రాష్ట్రంలో కొత్తగా 5,000 అంగన్వాడీ సహాయకులను నియమించనున్నట్లు మంత్రి అనిత వెల్లడించారు. 9 డిమాండ్లను పరిష్కరించామన్న అనిత.. వేతనాల పెంపు విషయాన్ని వీలైనంత త్వరగా అమలు చేస్తామన్నారు.