కొత్తగా ఆ నగరానికి ఔటర్ రింగ్ రోడ్డు.. ఈ గ్రామాల మీదుగానే, రూపు రేఖలు మారిపోతాయ్

Tirupati Outer Ring Road Survey: తిరుపతిలో ట్రాఫిక్ కష్టాలు తీర్చేందుకు ఔటర్ రింగ్ రోడ్డు నిర్మాణానికి తుడా ప్రణాళికలు సిద్ధం చేస్తోంది. ఆధ్యాత్మిక నగరానికి నిత్యం వచ్చే వేలాది భక్తులు, పెరుగుతున్న జనాభాను దృష్టిలో ఉంచుకుని ఈ రోడ్డును 90 కిలోమీటర్ల పరిధిలో నిర్మించనున్నారు. ఇది గ్రామీణ, చంద్రగిరి, రేణిగుంట వంటి మండలాలను కలుపుతూ నగరం చుట్టూ తిరుగుతుంది. ఈ మేరకు తుడా ఛైర్మన్ దివాకర్ రెడ్డి అధికారులతో కలిసి సర్వే చేశారు. గతంలో విఫలమైన వైకుంఠమాల ప్రతిపాదనలను పునఃపరిశీలిస్తున్నారు.