కోతులను తరిమేందుకు కొత్త ఆలోచన.. చింపాంజీగా మారిపోయిన సర్పంచ్‌

గ్రామాల్లో పెరిగిపోతున్న కోతుల బెడదను అరికట్టేందుకు.. ఏకంగా గ్రామ సర్పంచ్ రంగంలోకి దిగాడు. స్వయంగా తానే ఓ చింపాంజీ లాగా వేషం వేసుకుని.. కోతులను తరిమికొడుతున్నాడు. మందలు మందలుగా గ్రామాలపై పడి.. ప్రజలను తీవ్ర ఇబ్బందులకు గురి చేస్తున్న కోతులను తరిమికొట్టేందుకు ఆ సర్పంచ్.. అందరి కంటే వినూత్నంగా ఆలోచన చేశాడు. దీంతో ఆ సర్పంచ్ చింపాంజీ వేషానికి సంబంధించిన వీడియో వైరల్ కావడంతో.. ప్రశంసల జల్లు కురుస్తోంది.