కోనసీమలో వైభవంగా ప్రభల తీర్థం ప్రారంభం.. తొలిసారి రాష్ట్ర పండుగగా..

వందల ఏళ్ల చరిత్ర కలిగిన జగ్గన్నతోట ప్రభల ఉత్సవాలు తొలిసారి రాష్ట్ర పండుగగా వైభవంగా ప్రారంభమయ్యాయి. 11 ఏకాదశరుద్ర ప్రభలను ఒకేచోట కొలువుదీర్చి.. గంగలకుర్రు ప్రభలను యువకులు భుజాలపై మోసుకుని తీసుకురావడం ప్రత్యేక ఆకర్షణగా నిలుస్తుంది. ఈ దృశ్యాలను చూడటానికి ఎక్కువ సంఖ్యలో భక్తులు తరలివస్తారు. దేశంలోనే ఏకాదశరుద్రులు ఒకేచోట కొలువుతీరే అరుదైన ఘట్టం ఈ ప్రభల తీర్థం. కాగా, కోనసీమ ప్రభలను ప్రధాని మోదీ కూడా మెచ్చారు. పదో తరగతి పాఠ్యపుస్తకంలోనూ ఈ ఉత్సవం చోటు దక్కించుకుంది.