ఖమ్మం పత్తి మార్కెట్‌లో భారీ అగ్ని ప్రమాదం.. కాలి బూడిదైన పత్తి బస్తాలు..

ఖమ్మం పత్తి మార్కెట్‌లో భారీ అగ్ని ప్రమాదం జరిగింది. మార్కెట్ యార్డులోని షెడ్డులో అకస్మాత్తుగా మంటలు ఎగసిపడ్డాయి. ఈ మంటల్లో 400 బస్తాలకు పైగా పత్తి కాలిపోయినట్లు తెలుస్తోంది. భారీగా అగ్నికీలలు ఎగసిపడటంతో స్థానికంగా భయాందోళనలు వ్యక్తమయ్యాయి. ప్రమాదంపై సమాచారం అందుకున్న అగ్నిమాపక సిబ్బంది ఫైరింజన్ల సాయంతో మంటలను ఆర్పివేశారు. ఈ ప్రమాదంలో భారీగా ఆస్తి నష్టం జరిగినట్లు తెలుస్తోంది. ఖమ్మం పత్తి మార్కెట్ అగ్ని ప్రమాదంపై మంత్రి తుమ్మల కూడా అధికారులను ఆరా తీశారు.