గత ప్రభుత్వంలో ఆ సంప్రదాయాలు ఎందుకు పెట్టారో: సీఎం చంద్రబాబు

తిరుపతిలో నిన్న (జనవరి 08న) జరిగిన తొక్కిసలాట ఘటనపై ఏపీ సీఎం చంద్రబాబు సమీక్ష నిర్వహించారు. సమీక్ష అనంతరం మీడియాతో మాట్లాడిన చంద్రబాబు.. కీలక వ్యాఖ్యలు చేశారు. ఈ ఘటనలో కొందరు అధికారుల బాధ్యతారాహిత్యం, నిర్లక్ష్యం కనిపిస్తోందని చంద్రబాబు తెలిపారు. కాగా.. ఇద్దరు అధికారులను సస్పెండ్ చేయటంతో పాటు ముగ్గురు అధికారులను ట్రాన్స్‌ఫర్ చేస్తున్నట్టు చంద్రబాబు పేర్కొన్నారు. ఈ ఘటనపై నిజానిజాలు తేల్చేందుకు జ్యుడీషియల్ ఎంక్వైరీ వేసినట్టు బాబు తెలిపారు.