గుంటూరు: ఫోన్ నిండా అమ్మాయిలు, మహిళల ఫోటోలు, వీడియోలే.. 53 ఏళ్ల వయసులో ఇదేం పని..

గుంటూరు జిల్లా తుమ్మపూడిలో ఆదివారం రాత్రి ఉద్రిక్త పరిస్థితులు తలెత్తాయి. ఆంజనేయులు అనే 53 ఏళ్ల వ్యక్తి సెల్ ఫోన్‌లో మహిళలు, యువతుల ఫోటోలు, వీడియోలు పెద్దసంఖ్యలో కనిపించడం స్థానికంగా కలకలం రేపింది. దీంతో ఆంజనేయులు మీద చర్యలు తీసుకోవాలంటూ బాధితుల బంధువులు, గ్రామస్థులు ఆందోళనకు దిగారు. దీంతో ఉద్రిక్త పరిస్థితులు ఏర్పడగా.. ఆదివారం రాత్రి 11 గంటల 30 నిమిషాలకు పోలీసులు ఆంజనేయులును అదుపులోకి తీసుకున్నారు. చట్టపరంగా చర్యలు తీసుకుంటామని హామీ ఇవ్వటంతో స్థానికులు ఆందోళన విరమించారు.