గ్రామ పంచాయతీల్లో ఆ లేఅవుట్ల రిజిస్ట్రేషన్లు బ్యాన్‌పై HMDA క్లారిటీ.. అధికారిక ప్రకటన

Hyderabad Metropolitan Development Authority: హెచ్ఎండీఏ పరిధిలోని గ్రామ పంచాయతీల్లో అనధికార లేఅవుట్లలో ప్లాట్ల రిజిస్ట్రేషన్లపై ప్రభుత్వం నిషేధం విధించినట్టు కొన్ని రోజులుగా వస్తున్న వార్తలపై ఎట్టకేలకు అధికారులు స్పందించారు. ఈ మేరకు అధికారిక ప్రకటన చేశారు. ప్లాట్ల రిజిస్ట్రేషన్లపై నిషేధం విధిస్తున్నట్టు వస్తున్న వార్తలు పూర్తిగా నిరాధారమైనవని.. అవాస్తవమని.. హెచ్ఎండీఏ అధికారులు క్లారిటీ ఇచ్చారు. ఇలాంటి నిరాధారమైన వార్తలను, పుకార్లను నమ్మొద్దని హెచ్ఎండీఏ అధికారులు విజ్ఞప్తి చేశారు.