చాలా బాధేస్తోంది.. ఎందుకు ఇలా ఒంటరిగా మిగిలాం.. పవన్ ఎమోషనల్ ట్వీట్

కెనడాలోని బ్రాంప్టన్‌లో హిందూ ఆలయంపై దాడి జరిగిన సంగతి తెలిసిందే. కొందరు ఖలీస్థానీలు ఆలయంలోని భక్తులను లక్ష్యంగా చేసుకుని దాడులు చేశారు. ఈ వీడియోలు వైరల్ కాగా.. కేంద్రం సీరియస్‌గా స్పందించింది. ప్రధాననమంత్రి నరేంద్ర మోదీ కూడా దీనిపై రియాక్టయ్యారు. అయితే ఏపీ డిప్యూటీ సీఎం పవన్ కళ్యాణ్ సైతం ఈ ఘటనపై స్పందించారు. ఈ మేరకు ఎక్స్ వేదికగా సుదీర్ఘ పోస్ట్ పెట్టారు. ఈ ఘటన తనను ఎంతగానో కలిచివేసిందన్న పవన్ కళ్యాణ్.. అంతర్జాతీయ సమాజం ఇలాంటి ఘటనలను ఉపేక్షించరాదన్నారు.