చికెన్ ప్రియులకు ఎగిరిగంతేసే వార్త.. రేపటి నుంచి చికెన్ ధరలు భారీగా తగ్గింపు..!

నేటి నుంచి పవిత్రమైన కార్తీక మాసం ప్రారంభమైంది. ఈ నెలను హిందువులు అత్యంత పవిత్రంగా భావిస్తారు. భక్తులు ఈ కాలంలో ఉపవాసాలు, అభిషేకాలు చేస్తూ శివున్ని ఆరాధిస్తారు. కార్తీక మాసంలో చాలామంది మాంసాహారం ముట్టకూడదనే నియమాన్ని పాటిస్తారు. ఈ కారణంగా మాంసాహార వినియోగం గణనీయంగా తగ్గిపోతుంది. చికెన్, మటన్ వంటి ఉత్పత్తుల డిమాండ్ తగ్గడంతో మార్కెట్‌లో ధరలు కూడా పడిపోతాయని వ్యాపారులు చెబుతున్నారు. ప్రస్తుతం ప్రాంతాన్ని బట్టి కిలో చికెన్ ధర రూ.210 నుంచి రూ.250 వరకు ఉంది. అయితే రాబోయే రెండు మూడు రోజుల్లో డిమాండ్ తగ్గిపోవడంతో చికెన్ రేట్లు రూ.170 నుంచి రూ.180 మధ్యకు తగ్గే అవకాశం ఉందని పౌల్ట్రీ వ్యాపార వర్గాలు అంచనా వేస్తున్నాయి.