చిన్నారి చార్వికకు రూ.11 లక్షలు సాయం.. మాట నిలబెట్టుకున్న లోకేష్..

ఏపీ మంత్రి నారా లోకేష్ మరోసారి ఇచ్చిన మాట నిలబెట్టుకున్నారు. అనారోగ్యంతో ఆస్పత్రిలో చికిత్స పొందుతున్న చిన్నారి చార్వికకు ముఖ్యమంత్రి సహాయ నిధి నుంచి రూ.11 లక్షలు మంజూరు చేయించారు. తూర్పు గోదావరి జిల్లాకు చెందిన ఎనిమిది నెలల చార్విక పుట్టుకతోనే కాలేయ సంబంధిత వ్యాధితో ఇబ్బంది పడుతోంది. ఈ నేపథ్యంలో తమను ఆదుకోవాలంటూ చిన్నారి చార్విక కుటుంబసభ్యులు సోషల్ మీడియా ద్వారా వేడుకున్నారు. దీనికి స్పందించిన నారా లోకేష్.. అండగా ఉంటామని భరోసా ఇచ్చారు. ఈ మేరకు సీఎంఆర్ఎఫ్ నుంచి రూ.11 లక్షలు ఎల్వోసీ జారీ అయ్యేలా చర్యలు తీసుకున్నారు.