ట్రెజరీలో దాచిన పురాతన నాణేలు.. తెల్లారేసరికి మాయం.. అసలు ట్విస్ట్ వేరే!

అన్నమయ్య జిల్లా రాజంపేట ట్రెజరీ కార్యాలయంలో నలుగురు ఉద్యోగులను సస్పెండ్ చేశారు. ట్రెజరీలో దాచిన పురాతన నాణేలు కనిపించకుండాపోయాయి. దీనిపై జిల్లా ట్రెజరీ అధికారి పోలీసులకు ఫిర్యాదు చేశారు. అయితే దర్యాప్తులో.. నలుగురు ఉద్యోగుల పేర్లు బయటకు వచ్చాయి. దీంతో ఆ నలుగురిని విధుల నుంచి తప్పిస్తూ అధికారులు నిర్ణయం తీసుకున్నారు. మరోవైపు ఇందులో పాత్ర ఉందని భావిస్తున్న అటెండర్‌ను పోలీసులు అదుపులోకి తీసుకున్నట్లు సమాచారం. మరిన్ని వివరాలు రాబట్టేందుకు అదుపులోకి తీసుకున్నట్లు తెలిసింది.