డేటింగ్ యాప్‌లో పరిచయం.. రూమ్ బుక్ చేసి రమ్మని.. అతగాడు చేసిన పనికి అమ్మాయి షాక్!

డేటింగ్ యాప్ ద్వారా అమ్మాయిని మోసం చేసిన కేటుగాడిని విజయవాడ మాచవరం పోలీసులు అరెస్ట్ చేశారు. అతని వద్ద నుంచి బంగారు ఆభరణాలు, నగదు స్వాధీనం చేసుకున్నారు. ఈ కేసుకు సంబంధించిన వివరాలను విజయవాడ ఏసీపీ వెల్లడించారు. కోనసీమ జిల్లాకు చెందిన ఓ యువతి.. జాబ్ కోసం విజయవాడ వచ్చింది. అక్కడ హాస్టల్‌లో ఉంటోంది. అయితే ఆ యువతికి డేటింగ్ యాప్‌లో పరిచయమైన యువకుడు.. హోటల్ రూమ్‌కు తీసుకెళ్లాడు. అక్కడ యువతిని బెదిరించి బంగారం తీసుకుని ఉడాయించాడు. దీనిపై యువతి పోలీసులకు ఫిర్యాదు చేయగా.. పోలీసులు అతన్ని అరెస్ట్ చేశారు.