తమిళ సినిమా అద్భుతం.. ముఖ్యంగా యువత కచ్చితంగా చూడాలి: మంత్రి నారా లోకేష్ ప్రశంసలు

Nara Lokesh Praises Madhavan GDN Movie: ఆంధ్రప్రదేశ్ మంత్రి నారా లోకేష్ తమిళ మూవీపై ప్రశంసలు కురిపించారు. పారిశ్రామికవేత్త జీడీ నాయుడు జీవితం ఆధారంగా రూపొందిన జీడీఎన్ బయోపిక్ చూసి అద్భుతం అంటూ పొగిడారు. జీడీ నాయుడు భారతదేశం ఎడిసన్‌గా అభివర్ణించారు. ఆవిష్కరణల పట్ల ఆయనకున్న అంకితభావం, పారిశ్రామికవేత్తగా సాధించిన విజయాలు దేశానికి గర్వకారణమన్నారు లోకేష్. జీడీ నాయుడు రాబోయే రోజుల్లో ఏం జరుగుతుందో ముందుగానే ఊహించి ఎన్నో ఆవిష్కరణలకు శ్రీకారం చుట్టారన్నారు మంత్రి లోకేష్.