తల్లి లేని లోటు తెలియకుండా పెంచుకున్నా విదేశాలకి వెళ్లి శవమై తిరిగొస్తాడనుకోలేదు!

కాకినాడ జిల్లా పెద్దాపురానికి చెందిన అభిషేక్ (28) లండన్‌లో జరిగిన అగ్నిప్రమాదంలో దుర్మరణం పాలయ్యారు. లండన్‌లోని క్రొయిడాన్ ఏరియాలో నివాసం ఉంటున్న ఇంట్లో గ్యాస్ లీకై మంటలు చెలరేగడంతో ఈ విషాదం చోటుచేసుకుంది. ఏపీ మెడికల్ ఎంప్లాయిస్ అసోసియేషన్ అధ్యక్షుడు ఆస్కార్‌రావు కుమారుడైన అభిషేక్, తండ్రిని లండన్ రమ్మని కోరుతూ ఉండేవారు. ఈ ప్రమాదంలో తెలంగాణకు చెందిన మరో యువకుడి పరిస్థితి విషమంగా ఉంది. తల్లి లేని పిల్లలను ఎంతో కష్టపడి ప్రయోజకులను చేసిన తండ్రికి, కొడుకు మరణం తీరని విషాదాన్ని మిగిల్చింది.